Ermera

La Ermera...

Kepu,
Raehala sapulu resi sia ula icu tona ribu rua sapulu resirua.
Matam busona manu ho'o au mata dasa dia bue aci,
au la ruisi, kahi panas au kape. Enu kahi kape au la sirbisu di ami aci go. Pesa na'ara nei au tau kahi surat ela dia Ermera. Dia tuku balu au no sabag ubu telu pita , ami paat la Ermera no kareta buci ONU no go.
Sabag nua sia kase meta gala Edward Julius Jonnes, sia lelo sae sia gala Ermejildo, sia lali ita atamas Atsabe roma na Bablete go gala Nelson Gomes.
Ami lape sanu-sanu na e sirbisu no go, ami e la truka maki api no go uana melatau generator go.
ami samai dia Balidi tuku balu, ami sae duala gala bele-bele. Aioooo, kepuinei heinse te dia Railaku tete nia ta baig slopo kede nogo sai.Au e gala muta sai e. Baisa bobe sabag lelo sae sia nua odi no sprite sia , be ro anar nua ta mloi, ne dia dia au be , au gala ta enu mila,
Sanama Nelson bobe e' garam braga na ita ar isi la, Au bobe e' gala ta cio dadau la, au tai sanusia.
 te dia Gleno na uma Asuliar no go ami hei ara sanu Nelson ta odi kareta ge.
ta au mos penaga mloi loso sai.  Kahi ami dadau dia Ermera. kala kareta bote siana lape maki api go la dadau kahi sai. Ami te dia Ermera tuku sapulu resi sia nene.
E dambata mloi tua na tai menana, be pita ita sala nogo ta tai hadia hei, tada bali bai pila togo.




Ami tela romba na no kareta bote go du kahi sai, ami du gala ta sirbisu dadau galabobe ua gala kahi mila.
mmmmmhhh baipila e lelogemesa go ami saikahi sia na iaka go , pae lali sia na ami la odi go.
Ahhhh!!!!! kase Malaysia mori nogo tai pede roma na muna go, roma nogo ma'ata. gala nee ta bia ami de enu go. baisa snama lelo sae sia nua odi pau mala , be ami de gala ta ha peri bairi.

Au

                                   Au

Dia tona ribu rua rae hala gulurua resi balu Ula paat.
Sabag sia dasa dia  prasa mai mela au pita au pae bali au surat na au kero bali go dia aci sia mela tau UNTAET, uana ne transisi dia ita rae go.
Pesa  ita Timor nogo manaa di surat na ita koto di ula balu tona ribusia atus sibe resi sibe got ami de posi bali ami sirbisu aci dia rae sia gala tau sumatera go , de lali mai.
anta au la mola sirbisu sai.
ai.... bere bere au mola go huag lara nogo ber tai ba'a...
bobee au e gala ta ciki go....
abag sia nua atamas lelosae, roma liar hu'u go mela tau firaku,sira rae gala Baucau.
aiii edapa sanu muici, dale nogo loso siana melatau kase buci no na boitau Inglesh toge ba ta tada uanua.
kahi au surat na au pae go bobe e tama besi, ade edapa mela nogo ela tama api.
Au mos tai tada tama api hei. ooooo au iaka sai.
beee sabag gala nua pnali podi au bobe imi gala de ta piu go api lapa ami tama.
 ooo e daba togo doko dia ina o!!! lelomaho ta kase buci bote sia oe rago , ilu galase pede manu bebe nogo, mela au la se, au gala ta'uru see.
laka Au tama api se oo sanu sia nua hei muas bali. boi au tau au besi duala go limar nogo ta'uru.
au gala rega ta ua bobe " you can do it, do it !!! I dont care you came here for work!!!!"
Boi bai pila e kahi goo.... au e gala ta e plai go.
oooo kahi ta au mane lalisai e.... pita au tama api kahi se....
mmmmmmmmhhhhh matamai matamai au mos la sirbisu tai taamtu se.

Dia rae hala sia u rega roma dale lia hu'u sia , bobe ai sanama Atambua sia sirbisu no ita pogo,
nta sia mai cugu au sai , " kolega ita bot ema Oecuse k???
 Au bobe "Lae hau ema Batumanu"
 ooooo ami hanoin  ita bot ne Atambua Tamab itabot nia logat ne hanesan ema neba.
Boi cua na au bere bere mai go dale gala pede daba nogo eto au menana tai dale tecu go.
sia mai cugu lali " Be Batumanu ne iha nebe?
au gala cusi bobe o ne mos laos timor oan karik se o lahatene o nia rai laran .
ae aci la enene.
asa matam!!!!!!

la basar maliana

                                  la basar maliana

igi pila nei au la basar maliana, dia rae hala sia na melatau sabdu go.
au gala ela pasiar sanu ro mai basar liar los go.
ade kepu nei au hei sole kaka, nae kote ro seo sanu-sanu nour los.
tata mane sia seo no kaumaci ma'a siana miak nei.
tata mane seo pesa buso sia tai ala, sia mai cugu pua laila. kahi au ara bai la, gala nae. bere-bere tata ine sia ta mai cugu e ala,
" ama kai ma'a nogo tuku sia pila?'  tata mane tami bobe: cuku sia nogo satu dolar, e sia nua limapulu se."
"ooooo...." tata ine mos tai ala ua daudau pua la.
mai ali ine mugu rua " tata mane o kau maci go pila? tatamane  mos cusi " e cuku sia satu dolar, uana bi'i ana go limapulu se."
Tai ala . tatamane gala dia hua, " ai kepu nogo au bila sala nogo bene muas ana siala....
geme na'a dema au mehi iaka baila.
tai menana, ine mila rua dasa dia cailacu mai cugu, " kaag sia nogo ita ma'a go sia pila?"
tata mane nae kahi dia romba aber kahi ua ho at pa lau sae kahi nisi boi sama dia ma'a na kepu nei sia nogo satu dolar , sia nogo limapulu se' pesa kepu gala cugu- cugu sia tai ala pede nua nisi hasa imi matar." tatamane sama palaba no ma'a te apa la u bu ma mu nene.
ime mila cailacu no rua nua gala ara temaga, gala e samai mada'a.

ana'ali....

Au bai moro sai

Adee... ana'ali au bai moro sai.!!!
e'!!!! moro kaka la au e ha au mae be!!!

lia hu'u

Sanu dale sia

Ami atmas Batumanu ana gala pua Dili nogo no pua rae bera bera,  nour los pita ami muas go sabe pede agara.

mloi e sabe

 Ahi ana imi mloi e sabe.....

KEMAK / EMA: Koalia Kemak

KEMAK / EMA: Koalia Kemak:                     dale ema/ koalia kemak Introdusaun : Kemak lian ida nebe maluk sira iha Atsabe , Atabae, Maliana, Cailaco,Marobo ho i...

thank's

Bacumanu sogo araga uma sogo araga

              Bacumanu sogo arag uma sogo arag

Aina abe cua....
pesa muna mos ami bacumanu ana bale dia bacumanu lau . na atamas hei anasia.
Na ami uma sogo arag cua.

KEMAK / EMA: Koalia Kemak

KEMAK / EMA: Koalia Kemak:                     dale ema/ koalia kemak Introdusaun : Kemak lian ida nebe maluk sira iha Atsabe , Atabae, Maliana, Cailaco,Marobo ho i...

Sai Maku

                                   Sai maku

Bai pila ami he bi'i ana, lige ta ami matar beligi , inar no amar hei dale lia hu'u dal e tai hei sai maku.
sia pua au ta pege , tai au mela dia goli ba la de saimaku no kaag no tobog .
ami maku pede nogo:
     Bia mata dia rae lolo,  nua sapa sia cua...........
      nua:  plusar
   Api mata rua pilo sogo los, nua sapa sia.............
      nua : matar.
 

mmmhhhh maku abe sia nogo nise kuete....

 dudu - dudu te bia buci smaii......
   eeeeee... hanoi iaka tole....
 nua ro rose nipar.

KEMAK / EMA: Ala Roko

KEMAK / EMA: Ala Roko:                          Bapa ho  Tata Ine Cailaco Pesa muna bapa mai uko dia Timor , dia rae Cailaco pamila sia lae no kios ana sia de s...

MAROBO PARA NIPE

                  PARA LALI HUI BIA

Bia banas

Ami  marobo ana, ami hei bi'i anar,
bai pila ami e la bue, ami inar no amar hei toek sanu dale  pesa muna tatar ise tuek bali go.

lia hu'u dale na pede nogo.

Pesa muna rae hei mloi , ami rae Marobo punu hei bai, uana uko ami go ro mela tau don, e tada bali sapan tua , au mos sabe tada lulu go.
ua nogo gala lia hu'u dalen sia.
ami lia hu'u dalen sia nogo , au dale tio imi se ginal tole ami, ginal be gala ginal dia huar lara la ginal smai tole, sanu rae luli go... ne abg mloi nogo.

Ami Marobo ro melatau beik go, beik pita amin lia hu'u dalen sia . Muna dia tatar sia soi sanu abe-abe, tatar sia nua demalanna tau ta asi nogo sia sabe lau. Tona-tona ua ta asi laran go e usa e lelo gala bobe.
Lige ta e lobu mee sai ua mela mamu sabar galan go de mai lobu mee go.
Saban gala ber los , mee tona nogo dia.
Te mee ne lobu kahi , pae lulu da e uda.  Ta dodagan go ro uda mee nei, atamas nour,
te tae halan , matam buso anan tatar mane nei sai mai kolo huir dia lali mee apan go.
Ade tatar mane kepunei gru'u a ua eto nipe sia pdor dia mee apan laran go, kepunei ua nusi alu boten sia para dia nipe garan go, ua luur bobe aiiioooooo nipe sia kata' ta roma galan na hei bue pita matar hei peran go de mata mamu sae. Ade pei kepu ua para nei edapa bia ta boto nipe bain , ah..... mugun gala bobe Adeh... Abone.... nua huim bia be........

Koalia Kemak

                    dale ema/ koalia kemak

Introdusaun :
Kemak lian ida nebe maluk sira iha Atsabe , Atabae, Maliana, Cailaco,Marobo ho iha nasau vizinu Indonesia iha Atambua..
Lian nebe sira koalia ho logat idak idak nian .
exemplo lian  :
      # Bosok  .- Atsabe < bia>, Marobo< plon>, cailaco< bre'e>,
no seluk seluk tan nebe la konsege hau hakerek iha ne....
Ema barak hakarak atu hatene kemak tamba la susar atu estuda.

 Iha postu tuir mai ami sei koko hakerek ho kemak.
 mai ita aprende kemak.....


tuir Bendito dehan :      cu pe usa sae pede laru