KEMAK / EMA: Koalia Kemak

KEMAK / EMA: Koalia Kemak:                     dale ema/ koalia kemak Introdusaun : Kemak lian ida nebe maluk sira iha Atsabe , Atabae, Maliana, Cailaco,Marobo ho i...

Sai Maku

                                   Sai maku

Bai pila ami he bi'i ana, lige ta ami matar beligi , inar no amar hei dale lia hu'u dal e tai hei sai maku.
sia pua au ta pege , tai au mela dia goli ba la de saimaku no kaag no tobog .
ami maku pede nogo:
     Bia mata dia rae lolo,  nua sapa sia cua...........
      nua:  plusar
   Api mata rua pilo sogo los, nua sapa sia.............
      nua : matar.
 

mmmhhhh maku abe sia nogo nise kuete....

 dudu - dudu te bia buci smaii......
   eeeeee... hanoi iaka tole....
 nua ro rose nipar.

KEMAK / EMA: Ala Roko

KEMAK / EMA: Ala Roko:                          Bapa ho  Tata Ine Cailaco Pesa muna bapa mai uko dia Timor , dia rae Cailaco pamila sia lae no kios ana sia de s...

MAROBO PARA NIPE

                  PARA LALI HUI BIA

Bia banas

Ami  marobo ana, ami hei bi'i anar,
bai pila ami e la bue, ami inar no amar hei toek sanu dale  pesa muna tatar ise tuek bali go.

lia hu'u dale na pede nogo.

Pesa muna rae hei mloi , ami rae Marobo punu hei bai, uana uko ami go ro mela tau don, e tada bali sapan tua , au mos sabe tada lulu go.
ua nogo gala lia hu'u dalen sia.
ami lia hu'u dalen sia nogo , au dale tio imi se ginal tole ami, ginal be gala ginal dia huar lara la ginal smai tole, sanu rae luli go... ne abg mloi nogo.

Ami Marobo ro melatau beik go, beik pita amin lia hu'u dalen sia . Muna dia tatar sia soi sanu abe-abe, tatar sia nua demalanna tau ta asi nogo sia sabe lau. Tona-tona ua ta asi laran go e usa e lelo gala bobe.
Lige ta e lobu mee sai ua mela mamu sabar galan go de mai lobu mee go.
Saban gala ber los , mee tona nogo dia.
Te mee ne lobu kahi , pae lulu da e uda.  Ta dodagan go ro uda mee nei, atamas nour,
te tae halan , matam buso anan tatar mane nei sai mai kolo huir dia lali mee apan go.
Ade tatar mane kepunei gru'u a ua eto nipe sia pdor dia mee apan laran go, kepunei ua nusi alu boten sia para dia nipe garan go, ua luur bobe aiiioooooo nipe sia kata' ta roma galan na hei bue pita matar hei peran go de mata mamu sae. Ade pei kepu ua para nei edapa bia ta boto nipe bain , ah..... mugun gala bobe Adeh... Abone.... nua huim bia be........

Koalia Kemak

                    dale ema/ koalia kemak

Introdusaun :
Kemak lian ida nebe maluk sira iha Atsabe , Atabae, Maliana, Cailaco,Marobo ho iha nasau vizinu Indonesia iha Atambua..
Lian nebe sira koalia ho logat idak idak nian .
exemplo lian  :
      # Bosok  .- Atsabe < bia>, Marobo< plon>, cailaco< bre'e>,
no seluk seluk tan nebe la konsege hau hakerek iha ne....
Ema barak hakarak atu hatene kemak tamba la susar atu estuda.

 Iha postu tuir mai ami sei koko hakerek ho kemak.
 mai ita aprende kemak.....


tuir Bendito dehan :      cu pe usa sae pede laru

Ala Roko

                         Bapa ho  Tata Ine Cailaco

Pesa muna bapa mai uko dia Timor , dia rae Cailaco pamila sia lae no kios ana sia de se'o sanu- sanu pede baku, super mi, manu telo, saba boi sanu abe- abe dia ala mamu.

Atamas mos ber los pita roma tai sole sogo sai ela la sosa  sapasia ta roma karak.
pamila sia nua mos muas mloi los, galabobe sanu abe pila  na uma lara no dia mamu. roma mos dia anar ine no anar mane ubu pila e nene.

Bapa mai uko Timor go , pnali sanu nour, sia lali ta no lia hu'u uana mela tau bahasa go.
 pesa nua atamas mugu e bote tada mamu bahasa.
dale ta gala hua sia-sia be dale. Ubu bobe bisa di mengertilah.....

Matamai matamai ro mai sosa sanu dia kios siana kepu ita dale nei.
Rae hala sia,
kase bapa nogo e mai sosa baku. edapa tata ine nei tai tada bahasa hei,
hala hala ro mai sosa  dale ema, e kepu bapa sia ta mai e saso baku.
dale gala soi,
Bapa :  Mama saya mau beli roko.
Tata ine: adee o matam tema tanu ami kepu ne doko kahi sai go.
bapa boi pita: mama kalo ada roko saya mau beli....
Tata ine: o tai piar au bobe kepu ami doko kahi sai...
bapa : mama..... itu ada roko tuh saya mau beli...
tata ine: o gini ise au la mela au anakau ama isi....
 tata ine la mela lai mai , tata ine boi dia lai go
anakau ama o boi dia uala kepu itabua doko kahi sai go ua gala pege mulu bobe ita bua e doko ali sai.
kase nua abe matatema.....
ta lai nei tugu bapa se.... o karak spasia he'!...
bapa bobe : ai mama.... saya mau beli roko....
bais lai tada bahasa......
ne ta abu dia no hine go....: anakau ina bapa nogo e ala baku....
anakau ina: oooooooooooooooooooo au bobe laka itaba e doko.... na au bobe ami heinse doko cilu ta ua mai go........


Bersambung:.......